Колаген лист маски

Што е колаген лист маска?

Тоа се маски во форма на меки листови кои се влажнат со минерални морски активатори. Делуваат преку пат на осмоза, при што активните состојки и чистиот колаген се врзува во кожата.

Содржи активни состојки кои ја влажнат и ја затегнуваат кожата. Ова е најмоќна маска за обновување на колагенот и еластинот во кожата. Колагенот и еластинот се есенцијални и одговорни за цврстината на Вашата кожата. Овие маски, исто така може да се употребуваат индивидуално и во комбинација со било кој друг третман. Идеални се за комбинација со третманите за ексфолијација, после АХА - овошните третмани или после третман со микродермоабразија.

Врзното ткиво на кожата е составено од 70% колаген и заедно со еластинот ја прави кожата мазна и мека. Со самиот процес на стареење на телото, посебно лицето, вратот и рацете кои постојано се изложени на сонце, доаѓа до значително опаѓање на колагенот во колагенските влакна.

Затоа овие делови од телото се изложени на предвремено стареење, а со третманот во кој ќе ја употребиме колагенската маска, ќе го надополниме изгубеното количество на колаген на лицето, вратот, а посебно околу очите. Се постигнува висока влажност на кожата, бидејќи активната материја што ја поседува маската Колио, лесно се впива во кожата, посебно во малите брчки каде што кожата потоа ќе набабри, со што тие стануваат помалку видливи.